Aayiram Sooryanmar ആയിരം സൂര്യന്മാർ

ആയിരം സൂര്യന്മാർ   by   ബാലകൃഷ്ണൻ

സ്‌ഫോടനത്തിന്റെ അവസാന തയ്യാറെടുപ്പുകള്‍ നടത്തിയത് ഡോ. ഓപ്പന്‍ഹീമറായിരുന്നു. ശാസ്ത്രജ്ഞന്മാര്‍ അതിയായ മാനസികസംഘര്‍ഷം അനുഭവിച്ചു. അവസാനം സ്‌ഫോടനം നടന്നപ്പോള്‍ കണ്ണഞ്ചിപ്പിക്കുന്ന പ്രകാശഗോളം ഉയര്‍ന്നു. കാതടപ്പിക്കുന്ന ശബ്ദവും. അലകളൊടുങ്ങിയപ്പോള്‍ ഞങ്ങളെല്ലാവരും ശാന്തരായി ഷെല്‍റ്ററില്‍നിന്നും
പുറത്തു വന്നു. വല്ലാത്തൊരു മൂകത ഞങ്ങളെ പൊതിഞ്ഞു നിന്നിരുന്നു. ചിലര്‍ ചിരിച്ചു. ചിലര്‍ കരഞ്ഞു. ബാക്കിയുള്ളവര്‍ മൗനികളായി. ശ്രീകൃഷ്ണന്‍ തന്റെ വിശ്വരൂപം പ്രദര്‍ശിപ്പിച്ചുകൊണ്ട് പറയുന്നുണ്ട്: ''ഞാനിപ്പോള്‍ മൃത്യുവാണ്, ലോകത്തിന്റെ വിനാശകന്‍.''  ഞങ്ങളെല്ലാവരും ഏതാണ്ട് ഇതേപോലെയാണ് ചിന്തിച്ചത്‌

1974ലെ ഇന്ത്യയുടെ ന്യൂക്ലിയര്‍ സ്‌ഫോടനത്തെ ആധാരമാക്കി മാധവന്‍ എന്ന ഒരു ആണവ ഉദ്യോഗസ്ഥന്റെ ഓര്‍മ്മകളിലൂടെ എഴുതപ്പെട്ടിട്ടുള്ള  ഒരു അത്യപൂര്‍വ നോവലാണ് . ജപ്പാനിലെ  ഫുക്കുഷീമയിലെ ദുരന്തത്തില്‍ തുടങ്ങി കൂടംകുളത്തെ ആണവവിരുദ്ധ സമരത്തെ പരാമര്‍ശിച്ചുകൊണ്ട് ഈ നോവല്‍ അവസാനിക്കുന്നു.

മനുഷ്യനും പ്രകൃതിയും തമ്മിലുള്ള നിരന്തര സമരത്തില്‍ ആരാണ് അവസാനം ജയിക്കുക എന്ന മൗലികമായ ചോദ്യംതന്നെയാണ് ഈ കൃതി ഉയര്‍ത്തുന്നത്.